看完下面「寂寞星球」的報導，萬般感概.......

中七那年，在天天日報打工，有個同事(劉英傑)生日，其他同事送了一部「寂寞星球」給他(唔記得乜地方)，他開心到乜咁。我當時看來，挑，成本字典咁厚，英文又密麻麻，有乜特別呀，呢本野。這是我第一次接觸「寂寞星球」。

大二那年，同兩條粉腸去歐洲。唔知係邊班了一本歐洲的「寂寞星球」回來。但太撚長，大家都係求奇睇，都係依靠那本"歐陸旅運"，真低能。去到vienna，「寂寞星球」說有一間餐廳的食物 ridiculously large，我們那些日日吃麵包的背囊油姑且一試，仆街，那塊魚柳大塊到成本黃頁咁大，那晚我很滿足。

之後一年，去尼泊爾，第一次真的"吝"晒成本「寂寞星球」，回程飛機時再看埋國家的歷史，發現點解人地D旅遊書寫得咁好。我開始愛上「寂寞星球」。

同年，去日本都用「寂寞星球」。發現捉蟲，明明很簡單的日文漢字地名，譯成英文後馬撚咁長，搞唔掂。日本是少有的地方不用「寂寞星球」的。

兩年前，重訪Prague，家姐借了她N年前用過的「寂寞星球」我，很辛苦才找到書上介紹的好吃餐廳，但幾年來，面目全非。我們問人間餐廳點解唔見左，佢地指一指，原來改建成公廁。也好，屙晒再食。

下個月，去越南，也要帶「寂寞星球」。不過好撚重。