今日聽收音機，教人寫BLOG寫得好睇的竅門，很簡單，就係多D相少D字，別長氣。

前幾天(大暑當天)，我們去了雲泉仙館吃齋，樣衰但堅好吃，尤其是Ｄ粥，每位40。






隔離有個荷花池，D荷花靚到好似假既一樣，傻瓜機都拍到大師的效果。

我有兩隻狗，黑色果隻三個月大，叫"陀地妹"，大果隻，三歲大，叫"傻仔B"。 "傻仔B"同"陀地妹"都係我由細細個養大的。教狗如教人，教狗當中亦悟出教人的道理，就係"打狗"的問題。

我承認，我有打過牠們，因打是最有效，最快令他們停止錯誤的行為，亦是令牠們最深刻的。雖然我未被說服，但有很多人教狗已經絕不會打，因打得多，隻狗會唔跟你，怕左你。

我們這一代很多家長都是會打我們的，不至於打傷，但打打手板，藤條fit兩下總有。但原來教仔不一定要打的，我前陣子去澳洲，在老麥食緊野，有件鬼仔BB爬左入個花槽玩，老豆警告左一次都係咁，所以老豆扯火，我坐係隔離，以為條鬼佬一定打落去，點知老豆走去攞左張BB凳過來，抱起個仔塞他坐落去，唔俾起身，「坐監」十五分鐘。個BB可能都慣晒，雖不情願，但都無乜出聲。

我未教過仔，我在想，當我有仔時，我會不會打仔呢。其實，對「打仔」的睇法，是會一代一代改變的。從前的人，覺得生得你出，打死你都得。現在，打小小可能仲接受得到，但打到有傷勢的，有人報警，父母會被控虐兒。希望我們這一代，或是下一代，睇法會再改變，不想見到將用暴力解決問題的態度一代一代傳下去。

Long Time No See , 軟硬天師。

很是老土，不過我都買了兩張400蚊飛。

朝早十點開賣，諗著早二十分鐘，仲要係去高山劇場，仍該沒有太多人排隊。點知，多就無，五六十人啦。

排隊的人，除了我外，相信無個係軟硬的fans，他們是軟硬的fans的阿媽(或是阿嫲)，在他們看來，我一定係失緊業，唔係點會有時間來排生排死。

軟硬是十多年前的事了。我們這些就來三十歲的，最懷念就是聽軟硬的日子。曾經有個22歲的"小女孩"走來同我講，聽埋晒軟硬D歌，老餅。軟硬出來，就是要招呼我們這些老餅。從來去看演唱會都是重拾回憶的，聽達明是，聽林億蓮也是。

人大了，總會做各式各樣的東西來追尋"舊屎"。有人儲返細細個無錢買的玩具，有人約返成班老死，去返以前去過的渡假屋宿營，今天，我買軟硬的三個鐘來回到過去。

最怕聽老前輩講"舊屎"，但"舊屎"有時真係幾過癮.......

今日係......第一日。